رقم غريب

[ضمى خفوقي]

بســـــــــــــــم الله الرحمـــــــــــن الرحيــــــــــــــم



يرن جوال ساره..


ألو..

هلا.. هذا جوال ساره (صوت ذكوري ماتعرفه)

لا غلطان...

طيب نوره....

:: طوط :: تقطع الخط بوجهه


((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف

معاه!! ))


₪₪₪₪₪₪₪₪


دانه جالسه بالصاله مع اهلها..

يرن الجوال برقم غريب..

خذ يا أحمد _ أخوها الاكبر_ رد على جوالي رقم غريب ماعرفه،،

الو.....

هلا....

فيه أحد داق على جوالي!!

يغطي أحمد السماعه بيده ،، دانه انتي داقه عليه!!!!

لا والله مادقيت!! ولا بالغلط حتى

((جوال دانه استقبال!!!!!!))

يعود للمكالمه

هلا متى دقينا على جوالك

...........

ما شالله والساعه ست ونص!!


................


لا محد داق يالنصاب ياللي فيك ومافيك

يا............ تلعب على بنات الناس

فيك خير تعال قابلني

الله ياخذ....الله.......

ويسكر أحمد ودمه يغلي ويبدى يرغي ********

كم مره دق!؟

قد دق عليك أحد غيره!!

((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!))




₪₪₪₪₪₪₪₪




سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،،


هلا..

هلا قلبي..

قلبك مين ياقليل الادب يالي ماتستحي يالي.. يالي.. الخ،،

أموت عـ المعصبين أنا

كل تراب،، أنت وش تبي أنت!!من عطاك رقمي!!وليه .. ومن قال... الخ،،

بعد ان كثر الكلام

::: طوط :: تقطع الخط بوجهه

رجع دق عليها بوقت متأخر من الليل

أهلين

انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من

ربك!!

<< يدخل ابوها بعد ماسمع صراخها>>

( اقفلت الخط خلسه)

من تكلمين؟!

وحده من صديقاتي!!

نامي يابنيتي ولا تكلمين باخر الليل

يقطع كلامه صوت جوالها يرن

اخذ ابوها الجوال:

هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .

((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه

ومن كل شي لين يجيها عريس الغفله!!!))




₪₪₪₪₪₪₪₪




جوال سميه دايم سبيل!!

مره بالصاله يلعبون فيه اخوانها،، ومره تاخذه اختها تصور،، ومره،، ومره ،،

نادرا ما يرن ويكون معها!!


دايم تلقى 5 مكالمات لم يرد عليها!!

رن.. رقم ماتعرفه.. بكل بساطه ردت

............................

الو.. الو.. ( صوت ذكوري لم تألفه )

............................

هيه ردو.. أكلم صنم انا !!

..............................

وترمي الجوال على الكنبه،، وتخلي السماعه مرفوعه وتكمل حياتها عادي...

واخونا في الله ينتظر احد يرد عليه،، بعدين اعجبته السالفه يسمع سواليف العائله !!

ساعه وسكّر ... ايه ساعه!!

يدق..في وقت ثاني..

وكالعاده،، ترفع الجوال احد ماتعرفه تخليه ينلطع وتروح!!

((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق

وابرد حرتي فيه!!

يرسل لها بعد مدّه اسماء اخوانها،، حتى اسم شغالتهم!!! ))




₪₪₪₪₪₪₪₪




ساره / دانه / سديم / سميه / حصه / منيره .. وكل البنات!!

يومياً تصير لنا مثل هالمواقف!!


عزيزتي الفتاهـ ،،،



في مثل هالمواقف..


**** برأيكـ /ي شو التصرف السليم؟!


ترد! تحقر ! تعطي ابوها او اخوها!


****ماهو ردّ فعل ( الاخ / الاب ) في مثل هالمواقف؟!


****دق أحد يعرفكـ بالاسم وش بتسويـ /ـن؟!


****تجربتككـ لو قد دق مغازلجي لا سمح الله وش الاسلوب الامثل
الي نفع معه

اللي يفكنا منه عشان ماعاد يدق!!

:
:



وبانتظار مناقشاتكم

[shahody]

بصراحه موضوع مررررررره روعه

وكتيييييييييييييييييير بتصير لكل البنات صراحه

ما ادري ايش يستفيدووو من دا كلوو الا بيعاكسووو ويسوو مشاكل <<<< قمة التخلف صراحه

انا عن نفسي لو صار كدا حطنش مررررررره واكبر المخده واساسا مابرد على ارقام غريبه

ولو زودهااا اكلم ماما واقولها على الموضوع

احس انو البنت تقول لي امها افضل واحسن من ابوها والا اخوانها لانو مايفهمووو زي ماتفهمها امها وخصوصااا اذا الام عارفه بنتهاا

لكن والله احسن طريقه انوو ماترد خير شر لانو رقم ماتعرفه ليش ترد ؟؟

دا رايئ

يعطيك العافيه على الطرح الروعه

تقبل مروري

بنتظار جديدك

[الطيب طبعي]

ارد لاني عارفه نفسي

يمكن يكون حد من اهلي مغير رقمه

واذا كان احد من الي يلعبون مااقوله اي شي اسكر السماعه ولا ارد مره ثانيه بيعرف اني ماني من ذول

اما البنت الي ترد على الارقام الغريبه وتكررالرد على نفس الرقم يعتبروها فريسه سهله المنال

وهذا رايي

تقبل مروري

[السيزر]

افضل شي تكبر المخده وتحط الرقم في البلاك ليست وخلاص

[ليل آلعنآ]

طبعا بالنسبه لرجل يختلف عن البنت عادي الرد ع اي رقم
اين كان بالنسبه لي اي رقم ارد عليه سوا كان محلي او دولي
اما البنت طبعا تختلف لها خصوصيه في ها الشي لان البعض
يعتبر رد البنت ع رقم غريب متكرر الاتصال عليها قبول منها للاتصال

ضمى خفوقي ..
شكرا ع الطرح القيم
الله يعطيك العافية
تقبل ودي وتقديري

[غــلا]

بالنسبه لي أول مرهـ أرد طبعآ

ثآني مرهـ أطنش

ثآلث مرهـ أقرب رجآل عندي إن شآءالله سوآقنآ البآكستآني يمسح فيه الأرض خخخخخخ

بس بجد الوحدهـ لآزم مآ تتصرف من نفسهآ تعطيه أبوهآ ولآ أخوهآ

أحسن مآ يصير لهآ زي مآ صآر لسديم أعوذ بالله

يسلموووووو ضمي ع الموضوع القيم

دمت بود

[كريستالا روز]

السلام عليكم ورحمة الله وبركاته
انا ارد واذا كان احد يعاكس ويسوي حركات ثقيله دم، ما يحتاج كثرة اسئلة اسكر بوجهه ولا ارد مره تانية
وقد صارت معي لكن تصدقوا انه يتصل 6 شهور وانا ما ارد الين طفش وبعدها ما عاد اتصل
واحيان لو كنت قريبه من زوجي او اخواني اخليهم هم يردوا عليه بعدها ما اسمع له حس

[بوماجد]

ضمي خفوقي

انا من راي انهاااااا مااااااا ترد عليه

ونتتظر ابوها - اخوها - زوجها الين يجي وبعدين مجرد ما يدق تعطيه


يرد علي طووووول راح يقفل الجوال ولا يرد


اذاسمع صوت الرجال يمسح الرقم

تقبل

[مخ الجني]

مشكوووووور والله يعطيك الف عافيه

[بوماجد]

يعطيك العافيه علي الطرح

انا من رايي انها ماترد علي الارقام الغريبه واذا تكرر الازعاج على طوووول تحوله على ابوها اخوها زوجها