ماقلـــت أبيـــك إلا وأنا فعــــلاً أبيك

[عبدالرحمن الشمري]

لا واللــــذي ســــــوى عيــونك وســـواك


...............ماقلـــت أبيـــك إلا وأنا فعــــلاً أبيك ...!!


الحب مايوخذ سوالف و " خذ ... هاك "


...............الحب يقطـــــع عــــرق عينـك ويعميــــك


يدكنـــــي فــي تالــي الليــــــــــل دكــــاك


...............وإذا سألنـــي عنك قلبــــي " أزكيـــــك "


أموت بك ... أعشق ترابك ... وماطـــاك


...............ومالاح صـبح إلا وأنا أنـوح وأبكيـك ...!


كني ملكت الكــــون إذا تضحـــك شفـــاك


...............تفـــداك روح اللـــي علــى النفس يغليـك


أهواك ... تدري ويش تعني لي أهواك ...؟!


...............أهــــواك معناهـــا " أنا ميتٍ فيـك ...! "


لو ربــع ماجـــاني من الشوق قـد جـــاك


...............وربـــي الكــــريم إن ماتشيلك مــــواطيك


إن قالــه الله والهـــــوى الشين وراك...!


...............واللـــــه إن تارد برد عشقــــــي وأدفيــك


تدري أنا أكـــــبر أمــــل عندي رضـــــاك


...............خـــذ كل ماتبغي ... على شـــرط يرضيك


سبحــــان من كب البهاء فيك وأعطــــاك


...............عســـــى عيــونٍ شـــافت الــزين تخطيك


ياحلــو هم العشـــــق ... ويازين بلــواك


...............وماصـــابنـــــي من غــم عســـاه يخطيك


قـويت كــــل الناس وعجـــــزت لقــــواك


...............ياكـــــثر ضعفـــــك ... بس ياقـــوةٍ فيـك

[بنوته‘‘عسل]

صح لسانك خيو عبد الرحمن
شكل هالقصيده
عزيزه عليك لدرجة انو منزلها مرتين في القسم
وكلها تحت اسم
عبد الرحمن الشمري
تحياتي لك
{{جل من لا يسهو }}

[شـقـآوٍي]

صح لسانـك ولاهنـت على الابيـــات .


تقبــل مــروري

[ليل آلعنآ]

عبدالرحمن ...

قصيده رائعه وجميله

الله يعطيك العافية

تقبل ودي وتقديري

[ღونة خفوقღ]

أخي الشرق كتبتُ الف عبارة ثناء ومحيتها
فهي لا تليق بما قدمت لنا
وهو ليس بغريب عنك
أخي تقبل مني كلماتي المتواضعه الخجلى
امام عظمة عطاءاتك الرائعه..

...