** من روائــــع وعـــيــون الشــعـــر الشعــبــي .. **

[ღونة خفوقღ]

أسعـــد اللـــه مســــاءكـــم ** صبــــاحــبـــكم بكــــل خيــــر ....

للشــعــر جمــاله .... وللكلمات الشعــريــة والشــاعــريــة دورها في النفــوس خــاصـــة إذا كانت تلك الأبيــات مما له صــدأ في نفــوســنا .... وما تعانيـــه قــلوبـنا ويبقـــى حبيس دواخـــلنا ولا نستطيع التعبير عنــه ..... فيــأتي شــاعــر ما ويتحـــدث عما نكابـــده وكــأنه من يعيش معاناتنا لانــحـــن ..... أعــــزائــي : تروق لنا أبيــات ..... وتٌعجبنــا قصـــائد ..... ونحتفظ بروائع منها ..... ونــحب أن يٌــشاركنا غيرنا مٌــتعة قراءتها معنا ..... نقرأ الكثير من أجمل ماقيل من الشعر الشعبي في مختلف الأغراض : في الغزل .... العتــاب ..... المــدح ..... الفخــر .... الاعتــذار ..... الرثــاء ...... الـــخ ....فلا نملك إلا الاحتفاظ به لجمال ماحـــواه ...... عفـــواً لا أعــلم إخـــوتي الأفــاضـــل إن كنــتم كــذلك أم لا .... !!؟؟

من هٌـــنا أحــببت من الجميـــع أو من محبي الشعر الشعبي { النبطــي } ومتــذوقيــه المرور هٌـــنا وإضــافة أجــمل ماقرأه من قصائد في هذا المجال .....

فضـــلاً لا أمـــراً أرجــو من الجميــع التفاعـــل .... ولنجعـــل هذا المـــوضـــوع مرجعـــاً أو مادة شعــريــة تٌــثـــريــنا بما نٌـــريد كلما دعت الحاجــة إلــى ذلك .... فهــــلا أجــبتــم ..... ولما رغِـــبــتٌ منكــم تفاعلتٌــــم ..... !!!؟؟؟




ودي وورودي للـــجـــــمــــيـــــــــــــع

[ღونة خفوقღ]

ســأبـــدأ بأول قصيــــدة أعجبتني وأتمنى أن تنــال استحســانكم جميـــعـــاً :

والقصـــيـــــدة بعــــنـــــــوان :


ما قلت لي شي؟!!! وش خليت ما قلتــه ؟!!!!!!!


ما قلت لي شي وش خليت ما قلته
اسكت وخل الكلام لجرحي الدامى
.
.
لوغيرك اللي يسولف ما تحمّلته
لكن على شان عينك هانت ألامى
.
.
للحب مفهوم عمرك ما تخيلته
ما أظن يستوعبه تفكيرك السامى
.
.
هذا الفراق الطويل وهذي أسئلته
هذا حصاد السنين وهذي أيامى
.
.
ياما و ياما عليك البال طولته
والعمر عدى وأنا عايش على أوهامي
.
.
حتى طريق الفراق اللي تساهلته
لقيته أصعب على نفسي من أقدامى
.
.
اصبر لي شوي لو دمي تثاقلته
بحاول أستوعب اللي صار قدامي
.
.
الحب ضحكة بعينك بس ماطلته
عمرك بهالكون شفت أبسط من احلامي
.
.
القلب لوما خفق لك كان ما شلته
ولوماأنت ملهم قصيدي جفت أقلامي
.
.
هذا قصيدي بعينك لو تجاهلته
ينزف على شأن يروي قلبك الضامى
.
.
العام طاري غيابك ما تقبلته
واليوم حرماني أصبح مصدر إلهامى
.
.
لا تعتذر لي وابنسى كل ما قلته
وش ينفع العذر لامن ضاعت أيامي ؟




للشــــاعــــر : متعــــب التركــــي

[ღونة خفوقღ]

وهــــذه قصــيـــــدة رااااااائعــــة جــــداً بعنــــوان :

يمّه أحبه ... فديـت أبوه قبـل أمه ...!



يمّه عليه إن زعـل ... وإذا رضي يمّـه
يمّـه ذبحنـي غـلاه ... وشـلّ وجدانـي

يمّـه غرامـه طريقـي ... ولازم أتمه
شيٍ مـن الله علـى غفلـة تغَّشَانـي ...!!

اشهق على ضحكته وأشفق علـى ضمّـه
وأموت منه إن جفا ... وإن جاني أحياني

إن كان درب الشقى يمر مـن يمّـه ...!!
والله لكمّـل شـقـاه " إن الله أحياني "

أقول يا سيـدي ... ويقـول يا عمّـه ...!
كـلٍ ذبحـه الولـه فـي عشقـه الثـانـي

اشتاق طعـم الغديـر اللـي وسـط فمّـه
مقدر اخبّـي عليـه ... اكتـب ويقرانـي

قمت اشتكـي للغـلا ... وأصيح واخمّـه
يا شيـن بلـوى الهـوى ... الله لا يبلانـي

يقـول لـي بالهـوى مذهـب ولـي ذمّـة
وأقول بصـرك ... ولكـن لا تعـدانـي

أبي طريقـك يصيـر لوجهـتـي يِـمَّـة
ومنيـن يممـت وجهـك غصـب تلقانـي

يزمنـي بالهـوى ... زمّـة ورى زمّــة
قطّـع وريـده وخاطـه وسـط شريانـي

مبطي إذا خفت صحـت وقلـت " يا يمّـه "
والحين إذا خفت صحت وقلت " يا حصاني "

لا واهني من قرب منـه ... ومـن شمّـه
ما كن ربـي خلقـه إلا علـى شانـي ...!!

جيتـه وكلـي مـن الأشواق ملتـمّـة
أمشي من الصبح لين إن عشقـه أمساني

يا حلو لوعـة شقـاه ... ويـا حلـو سمّـه
والله يا هو بالهـوى " مـن جـد ورانـي "

أدمى عيونـي ... وحنـى يدينـي بدمّـه
وعلـى طريـق الولـه أقفــى وخـلانـي

يمّه أحبه ... فديت أبوه قبـل أمه ...!
يهزني هـز ريـح ... وزلـزل أركاني

وش فيه إذا البنت تعشق...؟! ... الهوى قمّة
خليني أعشق قبـل مـا تابـس أغصاني

يهمنـي حيـل ... وادري فينـي أهمه
حتى اسألي روجي الـوردي ... وفستانـي

[ღونة خفوقღ]

الـذاهـــــــــــبه

الله اللي راد والعقده قضاها اللي عقدها

لا على الدنيا السلام ولا لباقي العمر زينه

الفضا ما كنه الى خيمة طاحت عمدها

والفرح ما كنه الى شيخ انقصت يدينه

والعمر قطعة زجاج انكسرت ولا طال امدها

والعرب في العيد بدموع اليتاما مستهينه

والشوارع لفها ثوب الظلام اللي هجدها

والبيوت اطلال من عقب المحبه والسكينه

والشتا والليل والبرد والسما يصرخ رعدها

والعيون اللي ورا الشباك مذعوره حزينه

طولوا في الكهف ألأصحاب وبقت روحي وحدها

كنها في كوكب ثاني خلا من سا كنينه

الوداع اللي بعلم لعيني اعبر من رمدها

والوداع اللي بلا علم لقفص صدري غبينه

والوداع اللي بلا رجعه على ياأ مر وأدهى

والله انه غرغرة سم وسكاكين سنينه

والعنود اللي جفيت الناس والدنيا بعدها

مدة الفرقا لغاليها وهي تعطي الثمينه

وينها كيف اتركتني ليه ماجت في وعدها

والقمر لا طل خابرها تجي بيني وبينه

رحت انادي واتلمس في مهب الريح يدها

كني احصان بلا صاحب طوى البيدا حنينه

رحت أصيح الصبح وينه والعرب ما رد احدها

ما سمعت ألى صدى صوتي يقول الصبح وينه

كنهم من يوم ذيك الشمس غابت عن بلدها

طلعوني في النفود وصكوا ابواب المدينه

كنهم من يوم ذيك الذاهبه محد وجدها

كل رجال من الشرهه قلع الدرب عينه

أثرها ما تت وماتت كل فرحه في مهدها

والربيع اقفت به اللي كانت التاج لجبينه

جاورت عقب الحدايق حفرة مقسا لحدها

حفرة ماني مصدق كيف ضمت يا سمينه

للحزن فيني مثل ما لطهاره في جسدها

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدها

آآه لو غرد ولدها في خميلة والدينه

عاهدتني وظفرت بيمين أقوى من عهدها

والصبي لا خير فيه كان ما نفذ يمينه

ما تتقى عن رثاها عرق أقتض بشهدها

ولا تبقى خلف قضبان الجفن عذراء سجينه

كيف عند العالم ايام العزاء محصى عددها

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قا لوا الشيخ الفلاني مرجع القوم وسندها

قال يبشر با العوض والعلم جينا نا قلينه

ساق لك بدر البدور اللي نشدها من نشدها

جادل هزة عروش وخيبة روس ذهيله

قسمها في رسمها في جسمها الافي رشدها

واسمها ان جا للغضب قومه على الا لسن رطينه

أترك اناي وعطية شيخنا غنا لسعدها

وانبسط يا عم ونسى اللي ورى التربه دفينه

قلت ولصدري تناهيد تروع من شهدها

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدها

والعطا راعيه محدن صوبه الله لا يهينه

لو ظمنت الجنهو تفاحة القلب وشهدها

قلت من بكره عسا مجنونها تاقف سنينه

[ღونة خفوقღ]

وهذي قصيدة للشاعر مساعد الرشيدي



صرخة عقب صمت طويل


آخر عباراتي وداع آخر مشاويري رحيل

جيتك وبي لفحت ظمأ و اقفيت كبدي ناشفة

اصعب كلام اصعب خبر صرخة عقب صمت طويل

مثل الهدوء اللي سبق لحظة هبوب العاصفة

وأنتي بمتناول يدي تبدين مثل المستحيل

في عشرتك صوت العقل يقتل طموح العاطفة

الحب ما هو كل شي إلى وقف حظ بخيل

قلوبنا أصفى من العسل بس الظروف مصالفه

لا للندم لا للعتب آو شي من هذا القبيل

وأنتي ماجا منك خطا حتى تقولي اسفه

من غير ليه استسلمي واستلهمي صبر جميل

ولا تسأليني وش جرى ما لك بطول السالفة

قولي لهم يا عزوتي ما عابنا موت النخيل

اللي يوافيها الأجل وتموت لكن واقفه

آخر عباراتي وداع آخر مشاويري رحيل

جيتك وكبدي ناشفة و اقفيت كبدي ناشفة

[ღونة خفوقღ]

مع زمانـــي لا تحاربني بـــصدك
خلنـــــي بالعمر أضحك لوثواني

كان لك قلب على غيري يــــحدك
وش ترى في قلبي اللي لك حداني

بالجفاء يا صاحبي عديـــــت حدك
ما وصلني منك يا الغالي كفانــي

اشتكي لك لا تعذبنـــــي بـــــردك
لا تصد أرجوك يوم الله بلانـــــــي

ليت حب ضاع للذكرى يـــــــشدك
تذكر اللي راح منا في ثــوانــــي

ليتني مرتاح من قلبي وحبــــــك
ليت لي يا زين مثـلك قلب ثانـــي


***********

من ديوان بقايا شوق .... لعبد الله العليوي

[ღونة خفوقღ]

جيتك شظايا تشتعل شوق بسكات


**
جيتك بقايا حي كل أكثـرة مـات
وصلت لك بآخر رمق من حياتـي
جيتك خوي الخوف في رحلة الذات
بين الرجاء وظروفـي القاسياتـي
جيتك من الفرقـا كثيـر التلفـات
جيت انتحر في نجلك الناعساتـي
جيتك مزيج جروح ودموع وآهات
نديم العيـون الأسف والشماتـي
جيتك شظايا تشتعل شوق بسكـات
ماأدري حزن مدري سعادة سكاتي
جيتك لوأنتِ سابـع المستحيـلات
اللي يحـب يصنـع المعجزاتـي
جيت أستجيرك من شمس المتهات
عيـت تظللنـي تحتهـا عباتـي
وآبى أتعفى عقـب عـذاب المعانـاة
على رصيف أشواقك الدافياتـي
تلقفينـي مـن أيدين التشـتـات
صيري بحلاة الروح قارب نجاتي
هلا غـلا يمحـي كـدر ما فـات
يامزنة أفراحي ومنبـع هناتـي


***********

الشاعر مساعد الرشيدي

[ღونة خفوقღ]

من عافني عفته ولا والله أبغيه ஓ♥♡ღ◦˚°




لا يشغلك جرحي ترى الله بيشفيه

من فضل ربي صار عندي جلاده

خلّك مع اللي بعتني لجل تشريه

تستاهله ( رزّه ) وعنده شهاده

تستاهله وهو عسى الله يهنّيه

لايـق عليك ومنك حصّل مراده

من عافني عفته ولا والله أبغيه

لا والذي يخلق ويرزق عبـــاده

وأبشرك قلبي لقى اللي يداويه

اللي بحبــه ذقت طعم الســـعاده

يسوى عيوني جعلك إفدا مواطيه

صادق شعور(ن) والوفا فيه عاده

ومكمّله ربي ولا احد(ن) يحاليه

ماخذ على كل العذارى ريــــــاده

الله يطوّل لي بعمــــره ويحييه

لا يحتمل بعدي ولا أقوى بعــــاده

[ღونة خفوقღ]

وقف وقلي وش سبـب ها لتحـدي

أبي الصراحة واقطع الشك با ليـاس

أنت وزمانـي والغرابيـل ضـدي

يا للي جرحت القلب وينك والإحساس

قلبي عليك ودمعتـي فـوق خـدي

منك اشتكي لك ياغناتي من النـاس

لولاك غالـي مـا تعديـت حـدي

ليتك بنيت الحب مثلي على سـاس

بكيت يوم أقفيت وانبـاح سـدي

شربت منك المر كأسٍ بثـر كـأس

ليتك بنظـرة مـن عيونـك تلـدي

محبتي لك يالغضي ترفـع الـرأس

[عشقي بدوي]

يعطيك العافيه رعشه**

عـ الابداع الرائع بالطرح**

واترككم مع القصيده***



كأنك على قولك تمنى لي الخير ..
ساعدني أنسى حبك اللي خذاني ..

خلا حياتي كلها تنقلب غير ..
وأنسى الحبايب والزمن والمكاني ..

حبي لك أبلغ من جميع الأساطير ..
ماله بقاموس الهوى وصف ثاني ..


المشكل أن القلب صعب المشاويح ..
وأني على حفظ الكرامة شفوحي ..

ما أرضى لنفسي هينات المراويح ..
ولا خلقت لطامنات السفوحي ..

نفسي عزيزه ترفض الذل وتشيح ..
عما يهين ولوه بلسم جروحي ..


من هو حبيبك غايتي بس أهنيه ..
على حسن حظه عشانك حبيبه ..

أنا أشهد أن الله يحبه و يعطيه ..
اللي هداك الرب تصبح نصيبه ..

ياللي خذيت من الحلا كل ما فيه ..
ومن الطبع كل الخصال الحميده ..

تسحر بهمساتك عقل من تحاكيه ..
مع خف دم وملح ما ينحكي به ..

لك حق يوم تموق وتحس بالتيه ..
الله وهبك أوصاف زين غريبه ..

قبلك وأنا بعض الجمال ألتفت فيه ..
وعقبك ظهر في كل من شفت عيبه ..


ظنيتني مثل بعض الناس ..
أبشرك خابت ظنونك ..

من فضل ربي رفعت الرأس ..
وكملت ممشاي من دونك ..


نهاية مسيرك مثل ما صار مع غيرك ..
يذوي جمالك عز تالك وينسونك ..

تحاول تسلابي على حد تفكيرك ..
وأنا عارف اللعبه قبل تفتح عيونك ..

ترى واجبي قبل أبتعد عنك تحذيرك
تراك الضحية يا مسيكين لظنونك ..


ما كلف الله نفس مالا تطيقه ..
البعد والحرمان ما عاد ينطاق ..

ما كنت أفكر في فراقك دقيقة ..
لولا إن عقلي من سبات الهوى فاق ..

وشفت إن جمع الشمل ماله طريقة ..
ولا صار لي قدره على قهر الأشواق ..

تسر الليالي السود مثل الحريقة ..
تحرق من أيام العمر خضر الأوراق ..



رحم الله الأمير / سعود بن بندر - وجميع أموات المسلمين اللهم آمين ..

[ღونة خفوقღ]

روعه القصيده وشاكره حضورك ياغاليه

[ليل آلعنآ]

رعشة هدب

موضوع اكثر من رائع وفكره اروع



بالله ياهل البيت لا تشلعونه// خلو عيوني من حبيبي تروى

ثم لا تهوزونه تبا تضربونه // جعل اليدين اللي تطقه تكوى

// محمد الخس//

ما يجيك مصيبة إلا لها سبه// صابني غرو من البيض مربوع

صابني بالعين والخد واللبه // واشقر مثل الدبابيس منسوع

//لافي بن معلث //

صاحبي وان ذبحني في الهوى فدوة له // ذبح خلي حلال وذبح غيره حرام

حب خلي بقلبي ما تعدى محله // كود برق الصبيحية تعدى سنام

ضويحي الهرشاني

ياهل الهوى حذرا تمرون خيطان // الموت فيه مركزات خيامه

فيه المهار اللي بلا سرج وعنان // بنحورهن لاهل المودة علامه

ابراهيم بن مزيد

كن في عينه اليمنىغروس الروايا // كاثر الما عليها فوق حيل سماني

وكن في عينه اليسرى جموع السرايا // نهّضت بالبيارق شافت الليل داني

سالم الهيفي

ذابت الروح والجسم انبرا// من حبيب سلب عقلي هواه

اتلع الجيد والشعر اشقرا // من عظيم البها ربي كساه

محمد السديري

ولعتني بالهوى والحب ساره // ولعتني عن غنادير البنات

ما خبر جار يذبح بالحب جاره // بالمبيسم والثنايا المرهفات

بن حصيص

خذ ملف الحب عندك راجعه // واكتب اللي تكتبه فوق الورق

قبل لا تزعل وتاتي فاجعه // ارحم اللي في محبتكم غرق

حمد بن قريان

يوم حظي جالس له مجلسن // مهتني بوصال صافية الجبين

غنجة العينين والخد الحسن // والقوام ان قام عود الياسمين

محمد بن لعبون

يا ليتني يا رشيد راعي ربابه // اجرها ليا ضاق صدري واغني

اعلى وليفٍ صاطيٍ بي صوابه // الله لا يجزيه بالخير مني

محمد السياري

راحو هل الطايف ونور القمر غاب // كل شكا الفرقا ولا هوب وده

وين المصيف وين تلعات الارقاب // عقب الوجود اليوم يا بعد خده

سليمان بن جافور

اللون ما هو دليل الثوب // الثوب يزهــاه لباسه

صادفت لي جادل رعبوب // تاج البهـا لابسه راسه

عبدالله بن سلوم



يا معلقٍ في مقدم الثوب ورده // تخطي على نفسك وتبلا هل السوق

على شبح من بيت حكمٍ وخرده // مقامكم يا بنت من ذا العرب فوق

حمد بن قريان

صاحبي ينقش الحنا بكف حسين // مثل نقش المطوع بالقلم والدواه

صاحبي غصن موز والهوى به يلين // ليت من هو بعالي الغصن يقطف جناه

شاعر من اهالي الافلاج

ملكني بالهوى عذب السجايا // ولا اذكر ساعة قلبي نساها

نحيل الخصر وضاح الثنايا // نظيم الدر منظوم بفاها

محمد السديري

انا اللي ذبحني كامل الزين يا جبران // بمقاديم راسه والمزاريق بعيونه

اهلها هل الطولات هم ذروة العربان // هل البوش الاشعل قدم الاسلاف يرعونه

عبد العزيز الشيخ

انا يا هل المجمول ما في يدي حمر // وذي بندقي فيما تريدون مرهونه

ابو لبة عفرا وطوق على النحر // الا وما اهبلك يا عاذل القلب من دونه

عويض النفيعي

مريت بيت للمحبين مقفول // وجابتني القدرة على حد بابه

ونشدت جيرانه عسى البيت منزول // قالوا حبيبك راح لا واسفابه

سليمان بن حاذور

يا نسيم الهبايب خبري وين خلي // خبري وين خلي يا نسيم الهبايب

خبري وين راح اللي هروجه تسلي // خبري وين راح اللي هروجه عجايب

فيصل البواردي

احب الحلا والذوق والميز والاخلاق // واحب الرزين اللي كثير ترفقها

هنوف على تاج الشرف حظها سباق // كساها الحيا واكمل لها الحسن خالقها

محمد بن محسن العتيبي

قل للعذارى لا يهابن من السوق // ما فيه شي يجفل القلب مني

اضحك وانا قلبي من الغيظ مدفوق // وعساي ما اعاقب على سوء طني

ابراهيم بن سلامة

برق تلالا بالرجا مرحباني // منها ابتسم واحيا ورق ميت الاشجار

كن الجعد بالزيت والزعفراني // بين العواتق واللواحظ فكرنا حار

محمد العرفج

والله انك غاليٍ في ذا الزمن // ما يعادل قيمتك عندي بشر

كل مزيونٍ تحت زينك طمن // تحت زينك بالبني خمسة عشر

حمد بن قريان

من نشدني قلت مانيب دعجاني // من يمش الوسم من خد المطية

وان تردت فاطري والليل جاني // يا هلي حطوا على قبري بنية

غازي الدعجاني

لا صار بالملعب وين اللي يبارونه // بان البدر واختفت عنه اللواعيبي

يا هيل عيوا التجار لا يبيعونه // يا معدن الزين يا عسر المطاليبي

صالح السكيني

قالوا ندور لك مع الناس حلياه // قلت آه لو غيره بكفي رميته

قالوا تزوج كود تدله وتنساه // قلت آه لو أخذت اربع ما نسيته

عبدالله بن سبيل

لولاغلاه شهرت اسمه على روس المقاصير // لا شك مابي علوم يظهرن ويبحثنه

مانيب اقول اتركوا طرد العماهيج الغنادير // مير احفظو السد لا يظهر مع العرب ونه

زبن بن عمير

ما قصدي ازعل عيونه قصدي اراضيها // حرام ينهل منها الدمع قدامي

لا يا بعد نجد ومنهو سكن فيها // الله يلعن شكوك النفس واوهامي

محمد المموس

تو ما شافت غزير الدمع عيني // طارت الغرقه وشفت اللي تحتها

بس عذروب الحبيب شارتيني // مع سواد اعيونها طول ارقبتها

زيد بن غيام

يا غزال نطحني قايد للجميله // نمرة اول من اول ما بعد صار تالي

كل ما جيت ابلقف له وأديره بحيله //استدار الهوى عقب الجنوب الشمالي

سليمان بن شريم

نكبتني يا زين نكبة حزيران // وغصبتني غصب اليهود لفلسطين

واستخدمت ضدي حق نقض الامريكان // وعزلتني عزل الامم للصين

عبدالله بن عبار

لك ارق تحيه

[ღونة خفوقღ]

اهلين ليل لا تحرمنا تواجدك بجديدك يالغلا

[رقــ احساس ــة]

ماقلت أحبك ولا قد قلـت مـا أحبـك...

أحب مالي عيونـي وإنـت تسواهـا...

لو تدري إش كثر تعني لي تعرف إنك...

آخر أمل فـي حياتـي و أول مناهـا...

ياكثر أحس إن بك منـي وبـي منـك...

روح قسمها على شخصيـن مولاهـا...

لا تقول شتحب فينـي أعشقـك كلـك...

من ليل شعرك..لشمسك..وآخر أقصاها...

سميتنـي نصفـك الثانـي وياشحـك...

أنـا بسميـك كلـي وإنـت معناهـا...

تعبـت أوديـك لـه ياقلـب ويـردك...

لاخـذ حلومـي ولا خلانـي أنساهـا...

كل الحمام ناح واستـراح فـي ظلـك...

والورد الأصفر سقته الروح من ماهـا...

ليتك بعمري ثلاث أشخاص ما أملـك...

واحد معي دوم..واحد روحي يملاهـا...

و الثالث بجفن عيني..لافقـد حسـك...

أو غمض الجفن..جاني فيك يتباهـى...

مو بس أحبك..أنـا والله مـن حبـك...

أحب حتى ثـرى الأرض اللـي تطاهـا

للشاعر طلال الرشيد

رحمه الله

[ღونة خفوقღ]

[اخي العزيز ،، يتوجب عليك اضافة رد لرؤية الرابط]

[ليل آلعنآ]

هذه القصيدة من أشهر ما كتب عبدالله الأشقر
دار الغرام ولـف بالقـلب لافـوف........لاع الـولـع قـلبي وروحـي صرمها
ياخشم ريم مـن عنا العـين مشـفوف........سيـف الهـوى بالحـال يـلحى لحمها
القلب رفـرف وانغرف غـر بصـدوف........والـروح فـوح الجوح يلفح فحمها
جسر الغرام ابرا معي زل بزلـوف........نـزع الزغازغ زلـةٍ عـن قـدمها
مـانيب كـف الـذل عـنـي بمعـروف........لا تبـحثه بـالله يقبـس لـغـمـها
الله خلق بالنـاس نـاسٍ لـها نـوف........والشمس ما تخفى العرب مع عجمها
كاس الهوى بالباب الأسباب مـذروف........مـن ذاق رشف شـفاه يفرق طعمها
لولا الهـوى مـارشـرش الريم بخـشوف........والنـاس نسناس الهوى هـو نسمها
خشف عفر فارع ظـفر عـشر مكشـوف........تـل القلوب وسلـها واستـلمـها
رعـبوب راعـب كــاعب طرب غطروف........عمـهـوج داعـج لاعـج عـاج فمها
تمـشـي تـهز الخصـر تنعاج بعطـوف........مـال الهـوى به مال عوذا كصمها
بعيـونـها رايـات وايات وحـروف........يـرمي هل هل الغايات سم سهمها
مـادار دور نهـدها نـز بـوقـوف........نشـو نشى مـانيش مشـمـش حـرمها
واكثل كثيلٍ لـه كثـاثيـل وزلوف........يلعـب علـى هـاضم ضـميره هضمها
عفرا برا طرز الطرا صدر واردوف........اطـخم طـخم طخم الطراخم طخمها
شربـت شـذى شذر الهوى كمع وكفوف........مـن طـاح بتفاحه حـرق من وحمها
يانـاس خلـوني احوفـه وابـاشوف........لا مـوت فـوت وناضري ما فهـمها
يسـلب قـلب المبتلي فيك مـكلـوف........ارفـق تـرى نـفسي تقـطع وذمها
امنع طريح طـاح بيـديك مـكتـوف........سلم العـرب مـن سالمه في لـزمها

[شـقـآوٍي]

اخـتي رعشـه *. الابـــدااع منـــك وفيـــــك *. ولاهنتـي ولااهــان ذوقــــك *...




اسمحـي لـي بمشـااركـه بسطيـه وهـي عبااره عن قصيــده لشــااعر الكبيــر دغـش بن بطي الدوسري رحمــه اللـــه *..






الله من عينٍ لها النوم مالاق=ياكون خاطي غفوةٍ في دقيقه

روابعٍ جتني جسيمات وإدقاق=من عقبها والصدر جاء فيه ضيقه

ضاقت بي الدنيا الوسيعة والآفاق=وأمسيت في بحر الهموم الغميقه

أسبابها لوعات وآهات وإفراق=فرقا الرفيقِ إليا إنتزح عن رفيقه

ياشين فرقى اللي له القلب يشتاق=ياشينِ فرقى عاشقٍ عن عشيقه

إقطعك يادنياً وراها التفرَاق=كم فرَقت بين الشقيق وشقيقه

لكن أنا بآقولِ قولٍ بميثاق=قول السديري للقلوب الرقيقه

ياليت ربي ماخلق حب وإفراق=ولايجي في الحب شيءٍ يعيقه

يوم الخميس اللي مضى وقت الاشراق=تفجَرت بأقصى الظماير حريقه

علمٍ لفاني عقبه القلب مافاق=ياليتها كذبه ولاجات حقيقه

قالوْ عشيرك يادغش للعهد باق=باق العهود الماضياتِ الوثيقه

قلت أخبروني ياعرب صرت منعاق=قالوْ غزير الزين راحت وسيقه

تزوجت معشوقتك وأنت عشَاق=تطرد سرابٍ مايسرَك بريقه

وأخذتنالي قطعة أيام بسياق=آحل وأربط والمشاعر شفيقه

لين إتضحلي منه عقب التحقَاق=وعرفتنا العلم الخفي والحقيقه

زواجها غصبٍ من الوالد العاق=ومجبورةٍ غصبٍ على ماتطيقه

فلاصار أبوها من شريسين الاخلاق=لايستمع للشورِ ولا يطيقه

ودَه ينفذ ماطراله ومالاق=لو كان ربعه تعترض في طريقه

ماهمَه اللي بالهوى راح محراق=ولو كان كل الناس راحت حريقه

فحسبي عليكم ياخبيثين الاعماق=الله يزيل الظالمين المعيقه

يوم إحرموني سيدِ تلعات الاعناق=زين الحلايا والوصايف خليقه

من عقبها والجو للبال ماراق=ومن عقبها ماتت ورود الحديقه

وأسج وأرجع مع ذعاذيع الاشواق=وأجلس بقاع الرجم ساعه وأويقه

ومن بعدها نكتب على بيض الاوراق=بيوتِ شعرٍ في الغزال الرشيقه

أربها تجبر عزى خاطرٍ ضاق= وتحسن عزى قلبٍ سبوقه طليقه

وياليت ربي ماخلق حب وإفراق= ولاحصل في الحب شيءٍ يعيقه




وسلامتكــــم *.



تقبــلي مـــروريَِ *...

[ღونة خفوقღ]

كل الشكر لكم على حضوركم و تعقيبكم البنّاء

نحتاج دوماً للمزيد لنكون أفضل

كل الشكر لكم مرة آخرى على تواجدكم هنا

ليس للحبر معنى بدون قلم يسيّره وليس للكلمات جدوى بدون من يقرأها

شكراًللجميع

[بنوته‘‘عسل]

،؛،.. في كــــفـــها خــــاتــــــم ..،؛،
بن فطيس



في كفها خاتم وفي خدها خال ..
.. وفي عينها غيم وعمارات وبيوت



الخال شفته واضحٍ من ورى الشال ..
.. والخاتم الماس مرصع بياقوت



والعمر في العشرين كني مانيب زال ..
.. والجسم كنه من جبل ثلج منحوت



جبل ولكن لا طرقه الهوى مال ..
.. وخطواتها ماهي بالأمتار بالفوت



ماهي تشوف الشمس من ظل الاظلال ..
.. ومصيافها ما بين لندن وبيروت



الشمس لو تشرق على جسمها سال ..
.. كنها مجسم محلبيه وبسكوت



ومن صغر مبسمها شقى حالها الحال ..
.. ما تاكل الا اللوز والخوخ والتوت



ماهي تشوف الناس تمشي وتختال ..
.. ومرٍ على جاكور ومرٍ على حوت



وخدامتين وهي بلا زوج وعيال ..
.. وسمعتها تدعي الدريول يياقوت



وثلاث جوالات ماهو جوال ..
.. ومن يوم خلقت كل شيٍ بريموت



لكن قلبي مالها فيه مثقال ..
.. وش قرب البشت الحساوي من الكوت



ياجعلها للي خذت قلبي نعال ..
.. اللي غلاها عندي الشرب والقوت



حوريةٍ من فوقها الليل شلال ..
.. كنها صبحٍ فوقها الليل مكتوت



قلبي لها من كثرة الشوق مشخال ..
.. وللسر عن كل المخاليق تابوت



تنحت لي من الحب في القلب تمثال ..
.. وحبي لها ينحت على الساحه بيوت



في عينها ماكل رجال رجال ..
.. وأقصى حدود الوصل في سلمها الصوت



زودٍ على القلب وعلى الحسن من آل ..
.. روسٍ لهم روسٍ على متونها بشووت



الى رضت موتوا يا أهل روس الأموال ..
.. وإلى زعلت جربت وش سكرة الموت



من دونها رجلي وراكب وخيال ..
.. والسيف والأمواج والبحر والحوت

[ღونة خفوقღ]

مًشًِْكَوٍرٌٍيَنْ آخٌِوٍآنْيَ عًٍل آلمًرٌٍوٍرٌٍ .. وٍآلرٌٍدًٍوٍدًٍ آلطُْيَبٌَِة
آللهٍَ يَعًٍطُْيَكَمً آلعًٍآفْيَة آنْ شًِْآء آللهٍَ ..!

[السيزر]

اسمح لي ابدي اعجابي بقلمك وتميزك واسلوبك الراقي وتالقك

[ღونة خفوقღ]

يسلموو على المرور


لاعدمنااك

[خطاي اني وفيت]

عنود بجد قصايد جميله


بس ما خليتي لنا شي نقوله هع ه هع هع هع ه هع هع هع



الله يعطيك العافيه علي المجهود

[ღونة خفوقღ]

يسلموا ع المرور يالغلا

[السيزر]

يستحق التثبيت

[حنين الشوق]

مشكوووووور والله يعطيك الف عافيه